Afwesighede

1. Indien ‘n leerder afwesig was, moet ’n brief/e-pos deur die ouer/voog geskryf word, waarin die rede vir afwesigheid gemeld word. Die leerder bring die brief, gerig aan die registeronderwyser, die eerste dag na afwesigheid, saam skool toe. E-posse word aan die graadhoof gerig. Onnodige, herhaalde afwesigheid sonder ‘n rede kan tot ‘n ondersoek deur die skool lei.
2. ‘n Doktersbrief is verpligtend, indien ‘n toets, eksamen/mondeling gemis word. Daarsonder sal ‘n nulpunt toegeken word.
3. Die graadhoof behou die reg om navraag te doen na die rede vir afwesigheid, veral na ‘n afwesigheid van drie agtereenvolgende dae, indien die skool nie in kennis gestel is van die rede van die afwesigheid nie. Indien die skool nie in kennis gestel word nie, sal die graadhoof telefonies/per e-pos kontak met die ouer maak.
4. Indien ‘n leerder nie ‘n sportoefening of buitemuurse aktiwiteit kan bywoon nie, word daar van hom/haar verwag om homself/haarself vroegtydig by die betrokke afrigter te verskoon sodat ‘n plaasvervanger in sy/haar plek aangewys kan word.
5. Daar word van leerders verwag om hulle sport-, kultuur- en ander buitemuurse verantwoordelikhede na te kom.
6. Dit is die plig van elke leerder om enige agterstallige werk in te haal, wat hy/sy tydens afwesigheid gemis het.
7. Afwesigheid van ‘n leerder die dag voor of op die dag van ‘n skoolaktiwiteit, diskwalifiseer ‘n leerder tot deelname aan die wedstryd/funksie.