Hoërskool Centurion

FASILITEITE

Boekwinkel

10 uit 10 Skoolboekwinkel. Vir alle skryfbehoeftes en handboeke. Telefoonnommer: (012) 664 3560

Klerebank

Die klerebank vir die tweedehandse klere word op ons skoolgronde bestuur. Kontak gerus vir me. R. Heyns by renate@hscenturion.co.za vir enige klerebehoeftes. Klere word teen ‘n minimale bedrag verkoop en is slegs in registerperiodes beskikbaar.

2 Rekenaarsentrums

Die skool beskik oor twee ten volle toegeruste rekenaarsentrums wat die onderrig van Inligtingstegnologie en Rekenaartoepassingstegnologie fassiliteer.

Getafix
(snoepie)

Ons snoepwinkel lewer te alle tye kwaliteit kos teen ‘n bekostigbare prys, met die hoogste standaard van voorbereiding en gehalte bestanddele om die veiligheid van elkeen van ons leerders en verbruikers te verseker. Dankie vir u volgehoue ondersteuning – Purple Cow Bestuur & Personeel. Spyskaart van die Snoepie

Excellentiam Krieket Akademie

Binne- en buite fasiliteite (na ure) Groep- en individuele afrigting Maandae – Vrydae: 6:00 – 7:00; 13:00 – 20:00 (Saterdae 6:00 – 15:00) Ouderdom 5 jaar tot seniorvlak Oudiovisuele afrigting Beskik oor 3 binnehuisnette, 2 sintetiese nette asook 6 turfnette Kontakinligting: Shawn Bongers – 083 3779 986 ; shawnbongers@gmail.com Facebook-blad – Excellentiam Cricket Academy

The Centurion School Depot

Klerewinkel op die skoolgronde onder die pawiljoen. Verkoop sport- en skooldrag. Kaartfasiliteite beskikbaar Kontak: Heather 082 706 6295 of accounts@schooldepot.co.za Winkelure: Ma. - Vr. 07:00-08:00 Ma. - Do. 14:00-16:00 Vr. Middag TOE, Sa. (laaste Sa. van die maand) 08:30-10:00

Centurion Musiekakademie

Hoërskool Centurion kan met ‘n musiekakademie spog wat gerieflik op die skoolgronde geleë is. Die musiekakademie is vir elke Hoërskool Centurion leerling toeganklik en ook vir ander belangstellendes van enige ouderdom. Die dinamiese dubbelmedium musiekakademie is bekend vir sy goed toegeruste musieklokale. Hier kan enige een wat belangstel deur hoogs gekwalifiseerde, kreatiewe- en passievolle mentors onderrig word om ‘n instrument te bespeel. Die instrumente wat aangebied word, sluit in: klavier, klawerbord, dwarsfluit, fife, piccolo, blokfluit, viool en kitaar. Klas in musiekteorie, harmonie, komposisietegnieke, musiekgeskiedenis en musiekwaardering word ook aangebied. Leerders word die geleentheid gegee om in te skryf vir kompetisies, kunstefeeste asook musiekeksamens by instansies soos Unisa, Trinity en Royal Schools. Daar kan egter ook net gespeel word vir eie plesier en ‘n leerder hoef nie by enige van die bogenoemde betrokke te wees nie. Voorspeel geleenthede en konserte word jaarliks aangebied, maar is nie verpligtend nie. Instrumente is beskikbaar vir verhuring indien leerders eers die instrument wil probeer voordat hul self aankoop. Ons doelwit is om die inherente potensiaal van elke leerder so goed as moontlik te laat realiseer. Die liefde vir musiek en die genot om te speel, word nagestreef. Onderrig word volgens die behoefte en vermoëns van elke individuele leerder aangepas, hetsy op eksamenvlak of as genotvolle vryetydsaktiwiteit. ‘n Algemeen vormende estetiese opvoeding en uitkyk word ook gestimuleer. Vir verdere inligting kontak: me. Elke kloppers by 0832972633 of me. Elsie Potgieter by 0839837977 of besoek ons webwerf by www.centurionmusic.info.

Gimnasium

Go Fit spesialiseer in fiksheid en sport kondisionering. Ons personeel is aktief en vol energie om jou te help om jou liggaam-sportdoelwitte te bereik. Persone van ALLE ouderdomme is welkom in ons gimnasium. Ons het verskillende oefenprogramme vir enige doelwit – of dit nou sport is of net gewigsverlies. Fasiliteite en dienste: Volledige toegeruste gimnasium (Kettlebells, Barbells, Dumbbells, oefen- apparaat en vele meer) Aantrekkamers met stortgeriewe Bootcamp-klasse – Maandag tot Vrydag 06:00 , 07:00, 08:00, 17:00, 18:00 Mommy Madness klasse (vir al die huisvrouens wat bietjie wil oefen en uit die huis wil kom) Maandag – Vrydag 08:00-08:45, 09:00 – 09:45 Sport Spesifieke Oefenprogramme (hokkie, landloop, atletiek, rugby, sokker, netbal ens.)Toets en evaluering Boksklasse ( Dit het nog nie begin nie) Go Fit Games – Spanboudag

Mediasentrum

In die mediasentrum het die leerders toegang tot die internet, rekenaarprogramme en fasiliteite vir drukwerk van opdragte en take. Die fotostaatmasjien maak swart en wit fotostate teen 50c per kopie. Daar is ook `n klein boekwinkeltjie wat gekleurde papier en karton teen billike pryse aan die leerders verskaf. Die mediasentrum huisves nie net 'n magdom storie- en feiteboeke nie, maar kry ook daagliks die Beeld-koerant en meer as 24 tydskrifte om van te kies en keur. Die videokamer wat spesifiek ingerig is om lesaanbiedings te ondersteun, is ook baie gewild. Me. Louw, 'n opgeleide bibliotekaresse met B.Bibl.(Ed) Hons. en haar tien medialeiers staan aan die hoof van die besondere inligtingsentrum. Ons wil jou aanmoedig om van hierdie ongelooflike diens gebruik te maak. Biblioteekure: Ma. tot Vry. 7:00 tot 14:00 Aansluitingsfooi vir die uitneem van boeke is R10 per jaar. Sien jou daar!

7 Laboratoriums

Hoërskool Centurion beskik oor sewe laboratoriums. Elke laboratorium word toegeken aan ‘n personeellid wat die onderskeie vakke aanbied. Vanaf gr.8 tot gr.12 klasse word voltyds daar aangebied asook praktiese werk deur die leerlinge en demonstrasies van eksperimente. In die Fisiese wetenskappe- en Natuurwetenskappe departemente beskik elke laboratorium oor agt werkstafels waar leerlinge in groepe van 4 tot 6 saamwerk. Leerlinge werk slegs met nie-gevaarlike chemikalieë. Sekere duur apparaat word ook net vir demonstrasies aangewend. In Lewenswetenskappe en Natuurwetenskappe word lewende plant- en diermateriaal aangekoop vir disseksie.