By ons skool glo ons dat elke leerder die kans verdien om te floreer. Die doel van ons Woerie-omgeeprojek is om na leerders en gesinne in ons skoolgemeenskap uit te reik wat dit die nodigste het. Deur vrywillige donasies en ons Liefdadigheidsfonds, poog ons om in die basiese behoeftes van ons Woeries te voorsien.

Vertroulikheid en ondersteuning

Ons verstaan dat dit moeilik kan wees om hulp te vra. Daarom word alle aansoeke en inligting met die hoogste mate van diskresie en sensitiwiteit hanteer.

Hoe kan jy help?

Ons weet dat ons ouers groot harte het. As jy wonder waar jou bydrae die grootste impak sal maak, is hierdie die fokusareas wat ons geïdentifiseer het:

• Kospakkies vir pouse: Geen kind kan met ’n leë maag leer nie. Ons voorsien daagliks kospakkies aan leerders tydens skoolure.
• Skool- en sportklere: Ons bou graag ons tweedehandse klerebank uit. Skenk asseblief skoon, heel skool- of sportklere en -toerusting by die ontvangskantoor.
• Kruideniersware vir ons gesinne
  Ons is deurlopend op soek na nie-bederfbare voedsel, toiletware en skoonmaakmiddels om  gesinne te help.
• Finansiële bydraes: Kontantdonasies word aangewend om bogenoemde items aan te koop of om Spar-koepons vir behoeftige gesinne te borg.

Elke klein bydrae maak ’n reuseverskil in ’n kind se skooldag.

Vir meer inligting kontak l.havenga@hscenturion.co.za of r.heyns@hscenturion.co.za gerus.

Dankie vir die oorweldigende positiewe reaksie wat ons tot op hede reeds van baie van ons ouers ontvang het. Inbetalings kan gedoen word by:

Hoërskool Centurion

Standard Bank

Takkode: 012645

Rekeningno.: 012357499

Verwysing: 0955001/Algemene Liefdadigheidsfonds.