Hoërskool Centurion

TOASTMASTERS

Dit is vir min mense maklik om voor ‘n gehoor te praat, miskien omdat ons bang is ons maak gekke van onsself voor ander mense.

Dit is egter ‘n waardevolle vaardigheid wat deure kan oopmaak. Jy leer jouself deur die loop van die kursus baie beter ken en met jou nuwe selfvertroue kan jy jou lewe verander. Die galafunksie is ‘n spesiale geleentheid waar daar gespog word met nuutgevonde talente en die kroon op harde werk en baie lag geplaas word. Toastmasters word al 15 jaar by die skool aangebied. Hierdie jaar het agtien leerders die kursus deurloop en sertifikate ontvang. Dit was pret, maar ook harde werk. Die kursus fokus op leierskap- en voordragvaardighede.

  • Beste spreker 2018: Carl Wortman
  • Beste vordering: Marijke Mostert
  • Beste onvoorbereide spreker: Nadia Fourie
Organiseerder: 
Me. R. van Zyl
r.vzyl@hscenturion.co.za