Hoërskool Centurion

MATRIEKUITSLAE

2020

TOP AFRIKAANSE AKADEMIESE HOËRSKOOL IN CENTURION!

Hoërskool Centurion is ongelooflik trots op ons matrieks van 2020 wat bygedra het daartoe dat die Woeries weereens met ons uitslae kon uitstyg.
Ons is die top Afrikaanse skool in Tshwane-Suid (Circuit 1) en spog met ‘n uitmuntende 100% tersiêre toelatingsvrystelling. 

Baie geluk aan elke leerder en onderwyser wat bygedra het tot die fantastiese uitslae. Hierdie is weereens ‘n bewys dat daar altyd van harde werk vrugte gepluk word.

Die helfte van die groep het ‘n A- of B-simbool vir Engels, Inligtingstegnologie, Visuele Kuns en Elektriese Tegnologie behaal. Toerisme het ‘n gemiddeld van 83% opgelewer en meer as twee derdes van die leerders het ‘n onderskeiding in die vak.

Een van die Toerisme-leerders, Daniëlle Pienewald, het 100% vir dié vak behaal. Vakke soos Drama en Geskiedenis het onderskeidelike gemiddeldes van 79% en 76%.

Zanie Görgens het 8 A’s behaal en Carl Brandt, Kirsti Oelofse en Karli Snyman het elk 7 A’s ingepalm. Carl Brandt het die hoogste gemiddeld in die graad behaal met 88%. Daar is 4 ander leerders met 5 onderskeidings en 8 met 4 onderskeidings. Twee van ons leerders, wat 4 onderskeidings elk het, moes weens komorbiditeite hulle matriekjaar van April-maand af van die huis af voltooi het deur aanlynklasse.