Sport by Hoërskool Centurion is ‘n leefwyse! Afrigters maak ‘n verskil in elke leerder se lewe deur ondervinding en kundigheid te deel. Talente word ontwikkel sonder dat die “kind” verlore gaan. By Hoërskool Centurion maak elke deelnemer saak.
Sagtebal
Die Sagtebal seisoen vir 2017 het vir ons op ‘n baie hoë noot begin met vier van ons spelers wat deel was van die SA O/19-span was wat gaan deelneem het by die Junior Wêreld sagtebalkampioenskappe in Clearwater, Florida in die VSA van 24-30 Julie 2017.  Die dogters is Niki Grobler, Shané Luyt, Francé Price en Marianke van der Merwe, Marianke is ook gekies vir die SA Senior vrouespan wat in 2019 na Japan toer. Een van ons afrigters, mnr. Paul Prinsloo is gekies as die afrigter van die SA vrouespan. Ons as skool is voorwaar trots op die Woeries!

Beide die O/15A- en eerste spanne kwalifiseer om aan die Gauteng- kampioenskappe deel te neem en beide spanne tree as Gauteng wenners uit die stryd.  By dieselfde kampieonskappe word daar ook ‘n wenner tussen die Noord-Gauteng  spanne en die Noordwes spanne gekroon. Die kompetisie staan bekend as die SASI-uitdaagbeker.  Ons kan met trots sê dat beide ons O/15A- en O/19 A- spanne die SASI- bekers vir hul ouderdomme gewen het.

2017 is voorwaar ‘n seisoen waarop elke speler, afrigter en ouer baie trots kan wees.

Na afhandeling van die seisoen is die volgende spelers ook in provinsiale spanne opgeneem.  Dit is altesaam 20 van ons spelers.  Baie geluk aan elkeen- ons is baie trots op julle.

O/18 Gautengspan: Neem deel aan die Somerspele in Kaapstad van die 10-15 Desember 2017.

  • Elri Herman
  • Shané Luyt
  • Niki Grobler
  • Francé Price
  • Me. J. van Wyk is spanbestuurder van die O/18- span
  • Me. A. van Rooyen gaan as keurder na die Somerspele

Noord-Gautengspanne: Neem deel aan Interprovinsiale Toernooi in Durban van 5-9 Desember 2017.

O/17 Blue Sox

  • Gestelle Snyman
  • Chané du Preez
  • Rozaan Vorster
  • Elzaan Burger

O/17 Red Sox

  • Zoë Muller
  • Savannah Combrinck

O/17 White Sox

  • Anita Helberg

O/15 Blue Sox

  • Nadia de Lange
  • Tameke Vorster
  • Tasmin Vorster
  • Mnr. JJ Diamond afrigter van O/15 Blue Sox

O/15 Red Sox

  • Viona Cockrell
  • Zani Pretorius
  • Megan Rabe
  • Karli Snyman

O/15 White Sox

  • Zanie Görgens
  • Luane Meyer
Hoërskool Centurion is DIE skool vir Sagtebal!
Bergfietsry

Sedert bergfiets in 2011 goedgekeur is as ‘n skoolsport het dit gegroei in getal ryers. In so ‘n mate dat daar tussen 40 tot 50 leerders jaarliks deelneem.

Vir verdere navrae kan u gerus die spanbestuurder Jaco le Roux kontak by 083 283 7591 of ‘n epos stuur na northumberland7@yahoo.com.

Gaan besoek gerus die bergfiets se Facebook -blad (Woeries Bergfiets). Woeries bergfiets op Facebook

Omsendbriewe
Luggeweerskiet
Luggeweer-en lugpistoolskiet.

Luggeweerskiet asook lugpistool is baie gewild by Hoërskool Centurion. Skuts moet hul eie luggeweer of pistool voorsien en daar word deur die jaar hard geoefen om hoë hoogtes te bereik! Die jaar skop gewoonlik af met beginnerskiet vroeg in Februarie en eindig met die SA kampioenskappe in Oktober. In 2017 het drie van die Woeries se pistoolskuts en nege luggeweerskuts provinsiale kleure verwerf en Noord-Gauteng by die jaarlikse SA kampioenskappe verteenwoordig.

Kontak mnr.H.Riekert vir enige verdere inligting.

Ons skuts is ons WOERIE-TROTS!
Luggeweer Schonken
Krieket
Krieket is een van die toonaangewende sportsoorte in Hoërskool Centurion. Ons spog met ‘n trotse rekord van prestasies oor veral die afgelope twee dekades. Sedert Hoërskool Centurion die Icy Hot- trofee in 1998 gewen het, het alle moontlike trofeë reeds hul staanplek in ons trofeëkas gevind.

Van 2003 af het die eerste span die Noord- Gautengliga vier keer gewen. Ons het ook die Finsbury Superliga in die bogenoemde tydperk sewe keer verower.

Die laaste vyftien jaar het die eerste span ook die prestasie vermag deur in sewe finale van die Gunn&Moore Noordvaalkompetisie te speel, waarvan ons drie keer die kompetisie gewen het. Die 0/15’s het in dieselfde tydperk ook vier keer die finaal gehaal. In 2015 het die 0/15A’s vir die tweede agtereenvolgende jaar die liga in Noord-Gauteng gewen.

Al ons A-spanne woon van die beste moontlike krieketweke in die land by en ons bied self ook krieketweke aan wat by al die deelnemende skole gesog is. Die 0/14’s het ‘n tuis Woerieweek in die Julie-skoolvakansie, waarna hulle in die Septembervakansie die Shaun Pollock-week in Durban bywoon. In Januarie toer die 0/15’s Kaap toe, waar hulle aan die Somerset College-week deelneem.

Die 0/15’s neem aan die Uplands College krieketweek gedurende die Julievakansie deel en die eerste span woon die Mozzieweek in Nelspruit by. Vroeg in die nuwejaar bied onsself die Woerieweek vir eerste spanne aan, waaraan tien skole deelneem.

Buitelandse toere  is deel van elke goeie krieketspeler se hoërskoolloopbaan. In 1999, 2005 en 2012 het ons Engeland besoek en in 2008 het ons na Australië  getoer. In 2017 het ons  vir die eerste keer Sri-Lanka besoek.

Alhoewel ons die afgelope 25 jaar met slegs sewe provinsiale graad 8-spelers  begin het, het ons reeds 54 provinsiale spelers in die tyd opgelewer. Dit is hoofsaaklik te danke aan ons goed gekwalifiseerde afrigterskorps.

Buiten dat mnr. Joe Cloete ‘n vlak III -afrigter is en die laaste sewe jaar as internasionale skeidsregter in meer as 100 internasionale  wedstryde opgetree het, is hy ook die voorsitter van hoërskole krieket in Noord-Gauteng. Mnre. Juan Nagel (0/19-provinsiale dogterspan en bestuurslid)  Stephan Ernst (0/15- provinsiale keurder), André Labuschagne (senior provinsiale keurder en voormalige bestuurslid) en Quintin Olivier (keurder), het almal provinsiale betrokkenheid en beskik oor vlak II- kwalifikasies.

Duanne Olivier, wat in 2010 matrikuleer het, is die eerste Protea-speler wat Centurion opgelewer het. Hy het die SA Skolespan in 2010 gehaal en speel sedertdien provinsiale krieket in die Vrystaat. Shaun von Berg (Titans) is ‘n ander speler wat gereeld op die provinsiale krieketvelde te sien is en is ’n gereelde gesig in die SA A-span. Dané van Niekerk (Protea dameskaptein) is nog ‘n oud-leerder wat in krieketkringe hoog aangeslaan word.

Ons beskik oor 8 turfkolfblaaie, 6 turf-oefennette, 8 sintetiese nette en 3 binneshuise nette.

Hokkie
Hoërskool Centurion het dogters- en seunshokkie.

Eerste dogtershokkiespan 2018

Bianca Jordaan
Celeste Jordaan
Chané du Preez
Charlene du Preez
Corné Snyman
Danielle Potgieter
Elrie Herman
Ingrid Pistorius
Karli Snyman
Malinda Brand
Natasha Viljoen
Nicola Janse van Rensburg
Shiona Rabe
Tamika Glatz
Xandrea van Schalkwyk

Eerste seunshokkiespan 2018

Gert Visser
Divan Grundlingh
Ferdie van Wyk
Grand Havemann
Zack Swanepoel
Marco Botha
Thorjean van Staden
Fanie Fourie
Frans Cronje
Estiaan Conradie
Peet Potgieter
Willie Louw
Berend Alkema
Neil Geyser
Hudson Janse van Rensburg

Omsendbriewe
Atletiek
Vrydag 23 Februarie 2018 was dit ons skool se voorreg om aan die A-bond interhoër deel te neem. Ons atlete het wel swaar getrek, maar die meeste van hulle het hul persoonlike bestes gelewer en meer as dit kan ons as skool nie van hul vra nie. Ons toppresteerders was Ethan Wentzel met goud in die spiesgooi seuns O/19, Savannah Combrink met goud in die spiesgooi dogters O/17, Gistelle Snyman met silwer in die spiesgooi dogters O/19, Jemma Shreiber met brons in hoogspring dogters O/17, Jana van der Merwe met brons in die 400m en 800m dogters O/17 en Wiehan Labuschagne met brons in diskus seuns O/14. Dit was ‘n spogdag waarop ons Woeries trots kan wees. ‘n Groot dankie aan ons sanggroep se ondersteuning asook mnr. D. Saayman, me. A van Rooyen en hul atletiekafrigterskorps se ure van afrigting en passie vir ons atlete.

Ons atlete neem dan ook Saterdag 10 Maart 2018 deel aan die gesamentlike Gauteng- skole en Gauteng-Noordatletiekkampioenskappe by Pilditch. Gestelle Snyman, dogters O/19 spiesgooi en Savannah Combrinck,  dogters O/17 spiesgooi het beide die Gautengkampioenskap sowel Gauteng-Noordkampioenskap gewen. Die ander Woeries wat ook  puik presteer het, was as volg: Rievan Lombard is AGN-kampioen vir seuns O/19 5000m. Vian van der Merwe is AGN- kampioen seuns O/15 hoogspring. Jana van der Merwe verwerf ‘n silwer medalje in Gautengskole dogters O/17 800m. Janine Neveling verwerf silwer in Gauteng-Noord dogters O/19 3000m. Kara Durie verwerf ‘n brons medalje in Gauteng Noord dogters O/17 3000m.

By die ASA- (Atletiek Suid-Afrika) Kampioenskappe wat van 6-8 April 2018 in Paarl plaasgevind het, het Gestelle Snyman ‘n brons medalje in spiesgooi verwerf in die ouderdomsgroep dogters O/20. In dieselfde O/20-ouderdomsgroep het Rievan Lombaard twaalfde in die 5000m met ‘n puik tyd van 15min 18sek geeïndig, die beste tyd deur ‘n AGN-junior in die laaste twee jaar in dié item.  Savannah Combrinck het vir ‘n puik prestasie gesorg en ‘n silwer medalje in spiesgooi dogters O/17 verwerf en Jana van der Merwe behaal ‘n vierde plek in die 800m dogters O/17.

Woeries se atlete PRESTEER!
Landloop
Hoërskool Centurion se landloop lewer konstant prestasies  op die hoogste vlak. Vir die afgelope 12 jaar  kwalifiseer ons vir die Noordvaal-Direkteursfinale waar die seuns die afgelope 2 jaar algeheel 3de eindig. Oor dié tydperk lewer die skool 143 Gauteng –Noord atlete op, 3 SA kampioene en 2 nasionale atlete.
ALMAL is welkom.
Netbal

Hoërskool Centurion is trots om te kan sê dat ons ‘n skool van geleenthede is en daarom het ons 13 spanne wat in die Jubilee B- liga speel om so te versekerr dat elke leerder ‘n geleentheid kry. Elke span het sy eie afrigter en Centurion spog met gehalte afrigters wat die spelers tot hulle volle potensiaal kan ontwikkel. Jaarliks  op ons spog netbalfunksie word daar dan ook op ‘n gepaste manier aan elke netbalspeelster die nodige erkenning gegee.

Eerste Netbalspan 2018

Bianca Wolmerans
Gestelle Snyman
Jurinda Kriek
Maliska Brown
Miné Louw
Monique Pieterse
Rozaan Vorster
Shané Luyt
Zoë Muller
Elzanne Burger

WOERIE-NETBAL BO!!
Rugby
Visie.

By Hoërskool Centurion is ons visie om elke speler die geleentheid te gee om optimaal en in totaliteit te ontwikkel en die hoogste prestasie te behaal. 

Missie.

Ons missie is om rugby op so wyse te bedryf dat spelers, afrigters, ondersteuners en ouers graag met rugby as sportsoor wil assosieer. Om soveel moontlik leerders die geleentheid te bied om met ander in spanverband deel te neem. Die ontwikkeling van opvoedkundige kwaliteit, deursettingsvermoë, kameraadskap, spangees en selfbeheer. Om ‘n sportiewe gesindgeid deur deelname te ontwikkel. Die ontwikkeling van elke speler se vaardigheid en moontlikhede. 

Statistieke 2005 – 2017

Sameroepers: 5
Spanbestuurders: 6
Afrigters: 15
Provinsiale spelers: 73
Cravenweek spelers: 19
SA spelers: 2

Kom word deel van die Woeries–rugbykultuur! 

Trotse Borge van HS Centurion Rugby

Muurbal
Muurbal by H/S centurion gaan elke jaar van krag tot krag! Ons muurbalspanne staan nie terug vir enige kompetisie nie. Damian Groenewald word dan ook in 2017 gekies as die no. 1-speler om Gauteng-Noord in die jaarlikse Interprovinsiale Toernooi te verteenwoordig.

Kontak Me. S. Van den Berg by die skool vir enige verdere inligting.

Almal is welkom!
Gholf
Daar word in die gholfliga teen verskeie skole deelgeneem, onder andere Pretoria Boys High, Waterkloof, Oos-Moot, Sutherland, Die Wilgers en Wonderboom.

Daar is geen twyfel dat Hoërskool Centurion op ‘n wye verskeidenheid gebiede presteer! Genotvolle gholf by Hoërskool Centurion is ‘n gegewe!

Genotvolle gholf by Hoërskool Centurion is ‘n gegewe!
 gholf
Skaak
Hoërskool Centurion het jaarliks twee skaakspanne in die liga.

Die “Centurion Chess Club” vergader ook elke Woensdagaand in die skool se mediasentrum.  Oud en jonk kom speel vir twee ure teen verskillende opponente en daar word ywerig afgerig en geheime uitgeruil.

Kontak gerus vir Danie by 0828029357

Skaak sal inderdaad van krag tot krag in 2018 gaan!